Boas tardes,
Esta semana vai a ser un pouquiño máis relaxada, porque levades varias semanas traballando moi ben e merecedes un respiro. Podedes aproveitala para repasar cousas, facer tarefas atrasadas, ler moito...
Matemáticas
- Imos a continuar traballando a lonxitude. Para iso ides a facer os exercicios 2,3 e 4 da páxina 166 do libro.
- Esta semana imos a repasar os múltiplos que tamén foi un tema que nos resultou un pouquiño complicado. Para iso déixovos un pequeno vídeo que vos pode axudar, a páxina do libro coa explicación e algúns exercicios e máis unhas pequenas actividades de repaso.
Vídeo explicativo Actividades 1 Actividades 2
Lingua Castelá
- A semana pasada empezamos a ver unha nova clase de palabra: o verbo. Imos a continuar traballándoo esta semana.
- Agora propóñovos unha nova actividade, facer un resumo. É moi importante que saibades identificar as ideas clave dun texto e resumilo, así que ides a practicar pouquiño a pouco.
Lingua Galega
- Imos a ampliar o noso vocabualario de galego facendo os exercicios 1, 2, 3 e 5 das páxinas 146 e 147. Déixovos a imaxe das páxinas do libro para aqueles que non o tedes na casa.
- A actividade de escritura desta semana vai ser unha carta. Déixovos unha imaxe de como se estruturan as cartas para que vos axude. Debedes contarlle a un amigo ou amiga que pasou, como está sendo esta situación para vós, que cousas estades a facer ... Xa sabedes que pode ser totalmente inventada. Ten que ter mínimo 10 liñas o corpo da carta (Non conta o saúdo e a despedida).
Para rematar, como o domingo é o día das letras galegas e se lle dedica a Ricardo Carvalho Calero déixovos un "escape room" sobre el por se queredes entretervos un ratiño e máis descubrir moitas curiosidades sobre este autor.
Xogo das letras galegas
Moito ánimo a todos e lembrade que temos videochamada o xoves ás 11.00!
No hay comentarios:
Publicar un comentario