Empezamos unha nova semana e xa son dez, repítovos unha vez máis que estou moi contenta co ben que estades a traballar todos. Imos a ver agora o traballo para esta semana.
Matemáticas
- A semana pasada repasamos os múltiplos, esta semana imos a ver os divisores e os criterios de divisibilidade. Para iso déixovos dúas actividades de repaso que van acompañadas dunha pequena explicación e un vídeo que vos pode axudar a recordar.
- Tamén imos a continuar co traballo das magnitudes, estas semanas traballamos a lonxitude, agora imos a empezar a ver a capacidade. Neste caso déixovos o enlace a dous vídeos que vos axudarán a lembrar o traballado en cursos anteriores.
Déixovos a imaxe do libro para aqueles que non o teñades.
Actividades capacidade(libro) Vídeo 1 Vídeo 2
Lingua Castelá
- Imos a seguir repasando o verbo, neste caso empezamos a ver a persoa e o número.
- Igual que fixemos as semanas anteriores imos a seguir traballando os esquemas e os resumos. Neste caso ides a facer un pequeno esquema dun texto.
- Realizaredes lectura do tema 12 do libro, páxinas 172 e 173, e os exercicios 1, 2, 3, 5 e 9 da páxina 174.
Lingua Galega
- En galego tamén empregamos verbos, por iso imos a traballar este contido en ambas linguas. Faredes os exercicios 1, 2, 5 e 6 das páxinas 148 e 149 do libro. Déixovos a imaxe para os que o precisedes.
A maiores esta semana vou a propoñervos unha actividade diferente.
- Sabedes que este curso no cole estabamos a traballar os animais e o seu coidado, imos a seguir facéndoo dende a casa. Para os que queirades, plantéxovos ver o seguinte curto Llévame a casa respecto á adopción animal. A partir de aí podedes crear un cartel para concienciar á poboación da importancia deste feito.
Dentro de dúas semanas colgarei os carteis recibidos no blog.
Lembrade que esta semana teremos vídeochamada o martes e o xoves ás 11.00, O martes traballaremos o verbo e o xoves as actividades de matemáticas.
Moito ánimo!!
No hay comentarios:
Publicar un comentario